PUKmedia
Serokê Herêma Kurdistanê Mesûd Barzanî di peyamekê de dilgiraniya xwe bo  agirketina li Otel Somayê ya li bajarê Silêmaniyê nîşan da.

Ev jî peyama serok Barzanî ye:

Bi navê xwedayê mezin û dilovan

Bi dax û kovaneke mezin ve me wê nûçeya agirketina şeva derbasbûyî ya Otel Somayê ya bajarê Silêmanî bihîst ku di encama wê bûyera bi kovan de dehan kes bûne qurbanî û di nav wan de hejmarek xelkên biyanî jî hene. Ji bo vê xemgîniyê pirse û serxweşiyê li malbatên qurbaniyan dikim û hêviya başbûneke lezgînî jî ji bo birîndaran dixwazim.

Her wiha destxweşiyê li karmendên lihawarçûnê û bi awayekî giştî hemû dam û dezgeh û welatiyên dilsoz ên bajarê Silêmanî dikim ku bi navê gihiştina hawar û rizgarkirina wan welatiyên li nav otela navbihurî asê mabûn, çi ji destê wan hatiye kirine. Lê wiha diyar e karesat di wê yekê de ye ku gelek cihên giştê yên wekî otel, hol û apartman di dema avadankirinê de hemû şert  û mercên xwe parastin û li berçav girtina bûyerên bi vî awayî nehatine dabînkirin, ji bo wê yekê dibe ku polîsên hatina hawarê nekarîne bi tevahî kontrola bûyereke mezin a bi vî awayî bike.

Ji bo rêlêgirtina li bûyer û karesatên bi vî awayî di paşarojê de, me ji bo şopandina bûyerê birêz serokê hikûmetê Dr. Berhem Ehmed Saleh raspard ku serdana birîndaran û cihê bûyerê bike. Hikûmeta Herêmê radispêrim ku lîjneyeke taybet ji wezaret û dam û dezgehên pêwendîdar pêk bîne ji bo ber çav derbas kirina selametiya hemû wan cihên giştî yên ku min behs kir û her ciheke din ên giştî, da ku ev li van cîhan di paşarojê de bikin mercên bingeha avakirina her avahî û otel û cihên giştiyên di Herêma Kurdistanê de.

Her wiha ez hikûmeta Herêmê radispêrim ji bo pêwîstî û termên wan welatiyên biyanî ku di wê bûyerê de jiyana xwe ji dest dane, bişînin welatê wan û dam û dezgehên tenduristiyê jî bi mebesta başbûn û dermankirinê girîngiyeke tevahî bidin rewşa birîndaran.

Ez dubare serxweşî li malbatên qurbaniyên bûyera bi kovana Otel Soma dikim û dam û dezgehên pêwendîdaran jî radispêrim ezmûnê li van bûyerên cergbir werbigirin û kar ji bo dubare nebûna wan bikin.

Mesûd Barzanî
Serokê Herêma Kurdistanê
16/07/2010

Comments (0)